2026 жылғы 24 мамырдағы № 26/05-24  

Бұйрығымен Бекітілді  

"«BHG»" ЖШС директоры 

  

 

  

  

  

  

  

"«BHG»" ЖШС букмекерлік кеңсесінің мөлшерлемелер қабылдау және өткізілетін
бәс тігу қағидалары, жұмыс қағидалары

  

  

  

  

  

  

  

1. Шарттар
мен ережелер  

(2026 жылғы 24 мамырдағы нұсқа, 2026 жылғы 24
мамырдағы жағдай бойынша Қазақстан Республикасының ойын бизнесі туралы заңнамасындағы
өзгерістерді ескере отырып) 

Осы "«BHG»" жауапкершілігі шектеулі серіктестігінің мөлшерлемелер
қабылдау және өткізілетін бәс тігу қағидалары, букмекерлік кеңсесінің жұмыс
қағидалары (бұдан әрі мәтін бойынша – Қағидалар) «Ойын бизнесі туралы»
Қазақстан Республикасының Заңына сәйкес әзірленген және бәс тігуге қатысушылар
мен "«BHG»" жауапкершілігі шектеулі серіктестігінің букмекерлік
кеңсесі (бұдан әрі – "«BHG»" ЖШС, Букмекерлік кеңсе, Біз, Betsson) орындауы үшін міндетті болып табылады. 

2. Анықтамалар  

· Бәс тігу –
қатысушылардың өз арасында не Букмекерлік кеңсемен ұтыс көзделіп, олар
қатыспайтын оқиғаның нәтижесіне жасалған, тәуекелге негізделген келісім.  

· Мөлшерлеме – Ойыншы
Букмекерлік кеңсеге беретін және осы Қағидаларға сәйкес бәс тігуге қатысудың
негізгі шарты болып табылатын ақша сомасы. 

· Ойыншы – бәс тігуге қатысушы – Букмекерлік кеңседе бәс тігуге қатысатын жеке тұлға. Бәс тігуге қатысушы (Ойыншы) тек жиырма бір жасқа толған, өзі
орналасқан елдің заңнамасына сәйкес бәс тігуге қатысуға құқығы бар, сондай-ақ
осы Қағидалардың шарттарымен өз келісімін білдірген әрекет қабілеті бар тұлға
ғана бола алады. Қазақстан Республикасының қолданыстағы заңнамасына сәйкес бәс
тігуге қатысуы қандай да бір жолмен шектелген адам бәс тігуге қатысушы (Ойыншы)
бола алмайды.  

· Букмекерлік кеңсе –
қатысушылармен (Ойыншылармен)
бәс тігуді жасасатын ойын бизнесін ұйымдастырушы ("«BHG»" ЖШС). 

· Коэффициент –
Букмекерлік кеңсе оқиғаның белгілі бір нәтижесіне белгілеген, ұтысты есептеу
үшін мөлшерлеме сомасы көбейтілетін сандық мән.  

· Желі (Линия) –
Букмекерлік кеңсе бәс тігуді жасасу үшін ұсынатын, олардың нәтижелері мен
коэффициенттері көрсетілген алдағы спорттық жарыстардың тізбесі. 

· Бонус (көтермелеу төлемі) – сәлемдесу ұсыныстары, шотты толықтырғаны үшін ақшалай жүлделер, депозитке ақшалай жүлделер, тегін мөлшерлемелер мен тәуекелсіз мөлшерлемелер сияқты материалдық сыйақыны қамтамасыз ететін кез келген жарнамалық ұсыныстарды қамтиды. Бонус (көтермелеу төлемі)
«Ойын бизнесі туралы» ҚР Заңының ұғымында ұтыс болып табылмайды және тек
маркетингтік және жарнамалық мақсаттарда беріледі.  

· Ойыншының аккаунты (аккаунт) – бәс тігуге қатысушы мөлшерлемелерді және бәс тігуге қатысу және ұтыстарды алу үшін қажетті өзге де операцияларды жүзеге асыруы үшін, сондай-ақ бәс тігудің әрбір қатысушысы, бәс тігуге қатысушы беретін ақша, бәс тігуге қабылданған мөлшерлемелер (оның ішінде электрондық), бәс тігудің нәтижесінің нұсқаларына коэффициенттер, олар бойынша ұтыстар мен төлемдер туралы ақпаратты есепке алу үшін букмекерлік кеңсенің қызметін жүзеге асыратын ойын бизнесін ұйымдастырушы бәс тігуге қатысушыны тіркеу кезінде аппараттық-бағдарламалық кешен арқылы ашатын бәс тігуге қатысушының дербес есептік жазбасы.  

· Арбитраждық жағдай (Шанышқы-мөлшерлемелер)
– ойынның әділдігін бұзатын және бір оқиғаның қарама-қарсы нәтижелеріне
коэффициенттердегі айырмашылықты пайдалану есебінен Ойыншы (немесе бірнеше
Ойыншы) үшін ұтылу жағдайын жоққа шығаратын, Ойыншы немесе Ойыншылар тобы
жасасқан бәс тігу. 

· Букмекерлік кеңсенің электрондық кассасы – мөлшерлемелер мен ұтыстар бойынша есеп айырысулардың жүзеге асырылуын қамтамасыз ететін бірыңғай есепке алу жүйесі арқылы ақпараттық-коммуникациялық желілерді пайдалана отырып мөлшерлемелерді қабылдау (есепке алу) жүзеге асырылатын және ұтыстарды төлеу жүргізілетін цифрлық жүйе/ақпараттық жүйе.  

· Сайт – букмекерлік кеңсенің электрондық кассасының графикалық интерфейсі болып табылатын www.betsson.kz интернет-ресурсы және Букмекерлік кеңсенің мобильді қосымшалары.  

· Қағидалар – Сайтты пайдалану және бәс тігуге қатысу тәртібін реттейтін осы ережелер, шарттар мен регламент. 

3. Негізгі ережелер 

 Қағидалар Букмекерлік кеңсе мен Ойыншы
арасындағы заңды түрде міндетті келісім болып табылады. Аккаунтты тіркеу
кезінде Қағидаларды қабылдау туралы тиісті батырманы басу арқылы Ойыншы
Қағидалармен танысқанын және оларды толық көлемде қабылдайтынын растайды. 

 Сайтта тіркеліп және осы Қағидаларды қабылдай отырып, Ойыншы (бәс тігуге Сайтта тіркеле отырып және осы Қағидаларды қабылдай отырып және/немесе мөлшерлеме жасай отырып, Ойыншы (бәс тігуге қатысушы) Букмекерлік кеңсе және оның уәкілетті тұлғаларының мынадай мақсаттарда өзінің дербес деректерін (оның ішінде тегін, атын, әкесінің атын, ЖСН, туған күнін, байланыс деректерін, жеке басын куәландыратын құжаттың деректерін, банктік деректемелерін, БЕЖ-дегі бірегей сәйкестендіргішті және тіркелу кезінде көрсетілген өзге де деректерді) жинауға, өңдеуге, сақтауға,
сондай-ақ трансшекаралық беруге, сондай-ақ үшінші тұлғаларға (оның ішінде Бірыңғай есепке алу жүйесінің жұмыс істеуін қамтамасыз ететін заңды тұлғаға) беруіне "«BHG»" ЖШС Букмекерлік кеңсесіне (БСН 230940020509) өзінің ерікті, саналы келісімін береді: 

• Ойыншыны сәйкестендіру және тіркеу;  

• Қазақстан Республикасының қылмыстық жолмен алынған кірістерді заңдастыруға (жылыстатуға),
терроризмді қаржыландыруға және жаппай қырып-жою қаруын таратуды қаржыландыруға қарсы іс-қимыл туралы заңнамасының талаптарын орындау;  

• құмар ойындарға және (немесе) бәс тігуге қатысуы шектелген адамдардың тізімі және Борышкерлердің бірыңғай тізілімі бойынша тексеру;  

• мөлшерлемелерді қабылдау, Бірыңғай есепке алу жүйесіндегі операцияларды есепке алу, ұтыстарды есептеу және төлеу, Букмекерлік кеңсенің қызметтерін көрсету және қызметін жүзеге асыру;  

• Ойыншыны сервистер туралы хабардар ету, бонус бағдарламаларына қатысу, сондай-ақ телефон, мәтіндік хабарламалар және электрондық хаттар арқылы хабарламалар жіберу;  

• Қазақстан Республикасының уәкілетті мемлекеттік органдары алдындағы міндеттемелерді орындау. 

Ойыншының келісімі берілген кезден бастап дербес деректерді өңдеу мақсаттарына жеткенге дейін жарамды. Мөлшерлеме жасай отырып, Ойыншы Букмекерлік кеңсенің Ойыншы және оның операциялары туралы ақпаратты қолданыстағы заңнамаға сәйкес мемлекеттік және өзге де органдар мен ұйымдарға, сондай-ақ Бірыңғай есепке алу жүйесінің жұмыс істеуін қамтамасыз ететін заңды тұлғаға бере алатынымен келіседі. 

Букмекерлік кеңсе «Дербес деректер және оларды қорғау туралы» 2013 жылғы 21 мамырдағы № 94-V ҚР Заңына сәйкес Ойыншының алынған дербес деректерінің құпиялылығын қамтамасыз етеді және субъектінің немесе оның заңды өкілінің келісімінсіз не өзге де заңды негіз болмаса, олардың жалпыға бірдей қолжетімді көздерде таратылуына жол бермейді. Келісімді кері қайтарып алған жағдайда Букмекерлік кеңсе, оларды одан әрі сақтау Қазақстан Республикасының заңнамасына (оның ішінде салық заңнамасының және КЖ/ТҚ/ЖҚҚТҚҚ туралы заңнаманың талаптарына) сәйкес талап етілетін жағдайларды қоспағанда, 15 жұмыс күні ішінде деректерді өңдеуді тоқтатады. 

Ойыншы Қазақстан Республикасының заңнамасында белгіленген тәртіппен дербес деректерді өңдеуге келісімін кері қайтарып алуға құқылы. Бұл ретте келісімді кері қайтарып алу Сайтты одан әрі пайдаланудың және Букмекерлік кеңсенің қызметтер көрсетуінің мүмкін еместігіне әкеп соғуы мүмкін. 

Ойыншы Қазақстан Республикасының заңнамасында белгіленген тәртіппен дербес деректерді өңдеуге келісімін кері қайтарып алуға құқылы. Бұл ретте келісімді кері қайтарып алу Сайтты одан әрі
пайдаланудың және Букмекерлік кеңсенің қызмет көрсетуінің мүмкін болмауына әкеп
соғуы мүмкін. Осы Қағидалармен реттелмеген барлық жағдайларда Қазақстан
Республикасы заңнамасының ережелері қолданылады.  

Осы Қағидалар мен Қазақстан
Республикасының заңнамасы арасында қайшылық болған жағдайда заңнама нормалары
қолданылады. Қазақстан Республикасының ойын бизнесі туралы заңнамасында
көзделген Ойын мекемесі, букмекерлік кеңсе немесе тотализатор жұмысының, мөлшерлемелер
қабылдаудың және өткізілетін құмар ойындарының және (немесе) бәс тігудің
үлгілік қағидалары осы Қағидаларға қоса беріледі және олардың ажырамас бөлігі
болып табылады.  

Осы Қағидалар Букмекерлік
кеңсемен букмекерлік кеңсенің кассасында көрінетін жерде, сондай-ақ
интернет-ресурстың және/немесе Букмекерлік кеңсенің мобильді қосымшаларының
басты бетінде орналастырылады.  

Букмекерлік кеңсе осы Қағидаларға
өзгерістер енгізуге құқылы. Өзгерістер Ойыншының құқықтары мен міндеттеріне
қатысты болған жағдайда, Букмекерлік кеңсе Ойыншыға мұндай өзгерістер туралы
олар күшіне енгенге дейін хабарлайды. Өзгерістер күшіне енгеннен кейін Сайтты
пайдалануды жалғастыру Ойыншының жаңартылған Қағидалармен келісетіндігін
білдіреді. Соңғы өзгерістер күні көрсетілген Қағидалардың өзекті нұсқасы Сайтта
орналастырылады. 

4. Ұйымдастырушының
лицензиясы және деректемелері 

 Букмекерлік кеңсе өз қызметін 15.04.2024 жылы "Қазақстан
Республикасы Туризм және спорт министрлігінің Туризм индустриясы комитеті"
мемлекеттік мекемесі берген № 24176312 лицензия негізінде жүзеге асырады.   

• Атауы:
  "«BHG»" жауапкершілігі шектеулі серіктестігі. 

· Бизнес-сәйкестендіру
нөмірі (БСН): 230940020509.  

· Заңды мекенжайы: Қазақстан Республикасы, Алматы облысы, Қонаев
қаласы, Сәкен Сейфуллин көшесі, 14/2 үй, 040800 пошта индексі. 

· Электрондық кассаның / интернет-ресурстың
мекенжайы: www.betsson.kz. 

· Қолдау қызметінің байланыс деректері: www.betsson.kz, support-kz@ betsson.kz, support-ru@ betsson.kz, support-en@betsson.kz. 

5. Ойыншыларға қойылатын талаптар және ойынға жіберу шарттары 

5.1 Мөлшерлемелер осы Қағидалармен келіскен, 21 жасқа толған жеке
тұлғалардан қабылданады. Мына адамдардың бәс тігуге қатысуына және олардан
мөлшерлемелер қабылдауға тыйым салынады:  

· 21 жасқа толмаған; – құмар ойындарға және (немесе)
бәс тігуге қатысуы шектелген;  

· мүліктік өндіріп алу туралы атқарушылық құжаттар
бойынша орындалмаған міндеттемелері бар және Борышкерлердің бірыңғай тізіліміне
енгізілген адамдар;  

· бас бостандығын шектеу түріндегі жазаға сотталған
немесе шартты түрде сотталған адамдар;  

· Қазақстан Республикасының заңнамасына сәйкес бәс
тігуге қатысуына тыйым салынған өзге де адамдар.  

5.2 Мөлшерлемелер сондай-ақ мөлшерлеме жасалатын оқиғаларға қатысушы болып
табылатын адамдардан, сондай-ақ басқа кеңселердің өкілдерінен қабылданбайды.  

5.3 Ойыншы өзі берген мәліметтердің растығы үшін жауапты болады.
Букмекерлік кеңсе Ойыншыны бәс тігуге жібергенге дейін Қазақстан
Республикасының заңнамасында және осы Қағидаларда көзделген тәртіппен
тексереді.  

5.4 Букмекерлік кеңсе Ойыншы осы Қағидаларды сақтамаған, қоғамдық тәртіпті
бұзған жағдайда немесе Қазақстан Республикасының заңнамасында көзделген өзге де
жағдайларда мөлшерлемені ол расталғанға дейін қабылдаудан бас тартуға құқылы. 

5.5. Қазақстан Республикасының жекелеген өңірлерінде орналасқан адамдар
үшін Букмекерлік кеңсенің электрондық кассасы арқылы онлайн-мөлшерлемелерге
(бәс тігуге) қатысуға рұқсат беру бойынша шектеулер бұл Қазақстан
Республикасының заңнамасында және уәкілетті органның техникалық шешімдерінде
тікелей көзделген жағдайларда қолданылады. 

6. Тіркелу және бәс тігуге қатысу тәртібі  

6.1 Мөлшерлемені қабылдағанға дейін Букмекерлік кеңсе Ойыншының жеке басын
анықтауға мүмкіндік беретін мынадай деректерді енгізе отырып, аккаунт ашу
арқылы, оның ішінде БЕЖ жүйесінде, аппараттық-бағдарламалық кешеннің көмегімен
Ойыншыны тіркеуді жүргізеді:  

1. тегі, аты,
   әкесінің аты (бар болса); 
2. азаматтығы – шетелдік үшін; 
3. жеке сәйкестендіру нөмірі – Қазақстан Республикасының
   азаматы үшін; 
4. шетелдіктің Қазақстан Республикасында тұруға
   ықтиярхатында көрсетілген жеке сәйкестендіру нөмірі немесе шетелдік
   паспорттың нөмірі – шетелдік үшін; 
5. азаматтығы жоқ адамның куәлігінде көрсетілген жеке
   сәйкестендіру нөмірі – азаматтығы жоқ адам үшін; 
6. туған күні; 
7. қызмет түрі, жұмыс орны (бар болса); 
8. ұялы байланыстың жеке абоненттік нөмірі; 
9. Ойыншыға тиесілі банктік шот; 
10. БЕЖ-дегі бірегей сәйкестендіргіш; 
11. Электрондық
    пошта адресі. 

БЕЖ-дегі бірегей сәйкестендіргіш
Ойыншы БЕЖ-де тіркеліп, сәйкестендіруден өткеннен кейін беріледі.  

  

Букмекерлік кеңсе үшін Ойыншыға БЕЖ-де бір ғана бірегей сәйкестендіргіш
беріледі. Бір Ойыншы үшін БЕЖ-дің электрондық ақша жүйесінде бір немесе бірнеше
электрондық әмиян ашылады. Бұл ретте Ойыншы мен Букмекерлік кеңсе арасындағы
есеп айырысулар үшін БЕЖ-дің электрондық ақша жүйесіндегі тек бір электрондық
әмиян пайдаланылады. 

Ойыншыны тіркеу кезінде Букмекерлік кеңсе Ойыншы тіркелу кезінде көрсеткен
ұялы байланыстың абоненттік нөміріне растау коды бар мәтіндік хабарлама жіберу
арқылы Ойыншыны сәйкестендіруді жүзеге асырады.  

Жүйеге кіру үшін Ойыншы міндетті SMS-сәйкестендіруі бар (тіркелу кезінде
көрсетілген Ойыншының ұялы байланыс абоненттік нөміріне растау коды бар
мәтіндік хабарлама жіберу арқылы) тіркелген деректерді пайдаланады.  

Букмекерлік кеңсе Ойыншыдан оның жеке басын, ақша қаражатының көзін
растайтын құжаттарды және Қазақстан Республикасы заңнамасының, оның ішінде
КЖ/ТҚ/ЖҚҚТҚҚ саласындағы талаптарын орындау үшін қажетті өзге де мәліметтерді
сұратуға құқылы. Ойыншы сұратылған құжаттарды ақылға қонымды мерзімде ұсынуға
міндетті. Сұратылған құжаттарды ұсынбау немесе көрінеу жалған мәліметтер ұсыну
аккаунт бойынша операцияларды тоқтата тұруға немесе қызмет көрсетуден бас
тартуға негіз болуы мүмкін. 

6.2 Бірыңғай есепке алу жүйесі (БЕЖ): Мөлшерлемелерді қабылдауға,
мөлшерлемелерді есепке алуға, ұтыстарды есептеуге және ұтыстарды төлеуге
байланысты барлық операциялар Қазақстан Республикасы заңнамасының талаптарына
сәйкес тек қана бірыңғай есепке алу жүйесі арқылы жүзеге асырылады. Ойыншының
аккаунты бірыңғай есепке алу жүйесімен интеграцияланған және мөлшерлемелерді,
ұтыстар мен төлемдерді дербестендірілген есепке алу үшін пайдаланылады.
Бірыңғай есепке алу жүйесі жасалған бәс тігулер, мөлшерлемелер, есеп айырысулар
және ұтыстарды төлеу туралы ақпаратты есепке алудың негізгі көзі болып
табылады. Бірыңғай есепке алу жүйесінде қамтылған барлық деректер дауларды шешу
кезінде басымдыққа ие.  

6.3 Букмекерлік кеңсе мөлшерлемелерді аппараттық-бағдарламалық кешен
есептеген коэффициенттер негізінде және аккредиттелген спорт федерациялары
өткізетін немесе халықаралық спорт ұйымдары, федерациялары, комитеттері аясында
өткізілетін спорттық жарыстар шеңберінде болатын алдағы нақты оқиғаларға ғана
қабылдайды.  

6.4 Ойыншылардан жасалған мөлшерлемелерді болдырмау туралы сұраулар
қабылданбайды. Егер бәс тігу болып өткен оқиғаға жасалса, ол күшін жоюға
жатады.  

6.5 Букмекерлік кеңсе бәс тігуге қатысушыларды тиісінше тексеруді (due
diligence) дербес жүргізуге немесе тиісінше тексеру шараларын жүргізуді БЕЖ-дің
жұмыс істеуін қамтамасыз ететін заңды тұлғаға және (немесе) тартылған төлем
ұйымына тапсыруға құқылы. Электрондық кассада қабылданған мөлшерлемелер БЕЖ
арқылы өңделеді. Операциялар туралы барлық деректер БЕЖ-ге міндетті түрде
берілуге жатады. 

6.6. Мөлшерлемелерді қабылдау және бәс тігуді жасасу тіркеуден және
сәйкестендіруден өткен, сондай-ақ осы Қағидалармен келіскен тұлғалармен жүзеге
асырылады. 

7. Жалпы қағидалар және Ойыншының міндеттері  

7.1 Ойыншы тек өз атынан тіркелуге және бәс тігуге қатысуға міндетті.  

7.2 Ойыншы жүйеге кіру үшін өз деректерін құпия сақтауға міндетті. Есептік
деректердің құпиялылығы бұзылған немесе аккаунтқа рұқсатсыз кіру күдігі
туындаған жағдайда, Ойыншы Букмекерлік кеңсені дереу хабардар етуге міндетті.
Мұндай хабарламаны алған сәтке дейін Букмекерлік кеңсе Ойыншының есептік
деректерін пайдалана отырып жасалған әрекеттер үшін жауапты болмайды. 

7.3 Ойыншының Букмекерлік кеңседе тек бір ғана аккаунты болуына құқығы бар.
Бір Ойыншының бірнеше аккаунт құруына және пайдалануына жол берілмейді.
Бонустар мен көтермелеу төлемдерін пайдалану бойынша шектеулер тиісті
маркетингтік ұсыныстардың шарттарында бөлек белгіленуі мүмкін. Букмекерлік
кеңсе теріс пайдалануға қарсы іс-қимыл мақсатында бір отбасы мүшелеріне, бір үй
шаруашылығына, бір IP-мекенжайдан немесе құрылғыдан тіркелген аккаунттар санын
шектеуге құқылы. Мұндай шектеулердің шарттары Ойыншының назарына жеткізіледі. 

7.4. Ойыншыға алаяқтық, сөз байласу немесе өзге де құқыққа қайшы
әрекеттерге қатысуға тыйым салынады. Ойыншыға сондай-ақ бәс тігуге қатысу
кезінде рұқсат етілмеген артықшылық алу үшін Сайттың немесе электрондық
кассаның техникалық қателіктерін, осалдықтарын пайдалануға, сондай-ақ
бағдарламалық әдістерді, техникаларды немесе аппараттық құрылғыларды қолдануға
тыйым салынады. Осындай жолмен алынған ұтыстар жарамсыз деп танылуы мүмкін. 

7.5. Ойыншыға аккаунттар арасында қаражат аударуға, сондай-ақ аккаунттарды
беруге, сатуға немесе сатып алуға тыйым салынады. Аккаунт дербес болып табылады
және үшінші тұлғаларға беруге жатпайды. 

7.6. Ойыншы тіркелу кезінде көрсетілген мәліметтердің өзектілігін сақтауға
міндетті. Дербес деректер, байланыс ақпараты немесе банктік деректемелер
өзгерген жағдайда, Ойыншы аккаунтқа тиісті өзгерістерді дереу енгізуге немесе
Букмекерлік кеңсеге хабарлауға міндетті. 

7.7. Жасалған кез келген мөлшерлеме Ойыншының осы Қағидалардың мәтінімен
танысқандығын, олардың мәнін түсінетіндігін, оларды дұрыс түсіндіргендігін және
олармен толық көлемде келісетіндігін сөзсіз растауы болып табылады. 

8. Букмекерлік кеңсенің құқықтары  

8.1 Букмекерлік кеңсе: мөлшерлемені ол расталғанға дейін қабылдаудан бас
тартуға; тәуекелдерді басқарудың ішкі рәсімдеріне сәйкес мөлшерлемелердің
мөлшерін шектеуге құқылы. Аккаунт бойынша операцияларды тоқтата тұруға мынадай
жағдайларда ғана жол беріледі: күдікті операцияларды анықтау; КЖ/ТҚ/ЖҚҚТҚҚ
туралы заңнама шеңберінде тексеру жүргізу қажеттілігі; уәкілетті мемлекеттік
органдардың талаптарын орындау. Көрсетілген құқықтарды іске асыру Қазақстан
Республикасының заңнамасын сақтай отырып жүзеге асырылады және Ойыншының
құқықтарын бұза алмайды. Букмекерлік кеңсе Қазақстан Республикасының
заңнамасында және осы Қағидаларда көзделген негіздер болған кезде аккаунтты
тіркеуден бас тартуға құқылы.  

8.2 Ойыншы көрінеу жалған мәліметтер ұсынған немесе міндетті верификациядан
өтпеген жағдайда, Букмекерлік кеңсе анықталған мән-жайлар жойылғанға дейін
аккаунт бойынша операцияларды тоқтата тұруға немесе Қазақстан Республикасының
заңнамасында және осы Қағидаларда көзделген жағдайларда аккаунтты жабуға
құқылы. Ойыншының ақшалай қаражаты мен ұтыстары Қазақстан Республикасының
заңнамасында белгіленген тәртіппен төленуге жатады, бұған оларды төлеу
Қазақстан Республикасының заңнамасымен немесе уәкілетті мемлекеттік органның
шешімімен шектелген немесе тыйым салынған жағдайлар қосылмайды.  

8.3 Букмекерлік кеңсе мөлшерлеме Қазақстан Республикасының заңнамасын
немесе осы Қағидаларды бұза отырып жасалғаны туралы объективті және расталатын
деректер болған кезде ғана, оның ішінде инсайдерлік ақпаратты пайдалану,
мөлшерлеме жасалған оқиғаға адамның қатысуы, сондай-ақ үшінші тұлғалардың
құқыққа қайшы әрекеттері нәтижесінде оқиғаның нәтижесі өзгертілген жағдайларда
немесе айқын техникалық қателік болған кезде мөлшерлемені жарамсыз деп тануға
құқылы. Негізді күдіктер болған кезде Букмекерлік кеңсе Қазақстан
Республикасының заңнамасы рұқсат ететін шектерде тексеру кезеңіне осындай
мөлшерлемені есептеуді уақытша тоқтата тұруға құқылы. 

8.4. Букмекерлік кеңсе қаржы мекемесі болып табылмайды, кредиттер бермейді
және Ойыншының аккаунтындағы қаражат қалдығына пайыздар есептемейді. 

9. Төлемдерді жүзеге асыру және ұтыстарды төлеу тәртібі  

9.1 Букмекерлік кеңсе өз қызметін тек онлайн форматта ғана жүзеге асырады.
Ойыншы өз аккаунтын Букмекерлік кеңсенің электрондық кассасы арқылы қолма-қол
ақшасыз тәсілмен толықтырады. Аккаунтты толықтыру бірыңғай есепке алу жүйесі
арқылы Ойыншының бірыңғай есепке алу жүйесіндегі электрондық әмиянына
электрондық ақшаны есепке жатқызу арқылы жүзеге асырылады.  

Бәс тігуге мөлшерлеме жасауды Ойыншы аккаунтқа енгізілген ақша және
(немесе) ұтыстар есебінен жүзеге асырады.  

Аккаунтты толықтыра отырып, Ойыншы пайдаланылатын төлем құралының (банктік
шот, төлем картасы немесе өзге де төлем тәсілі) жарамды екенін, жеке Ойыншыға
тиесілі екенін және оны заңды негіздерде пайдаланатынын растайды.  

Заңсыз жолмен алынған ақша қаражатын шотқа енгізуге қатаң тыйым салынады.
Төлемдер Қазақстан Республикасының ұлттық валютасында (теңгемен) қабылданады.
Ойыншыға қолжетімді қолма-қол ақшасыз толықтыру тәсілдері, орташа өңдеу уақыты
және оған байланысты алымдар Сайттың тиісті беттерінде көрсетіледі. 

9.2 Букмекерлік кеңсе осы Қағидаларда көзделген бәс тігу нәтижесі басталған
кезде Ойыншыға ұтысты төлеуді жүзеге асыруға міндетті. Қазақстан
Республикасының заңнамасында тікелей көзделген жағдайларды қоспағанда, ұтысты
төлеуден бас тартуға жол берілмейді. Ұтысты төлеуден бас тартуды немесе оны
ұстап қалуды көздейтін осы Қағидалардың кез келген шарттары Қазақстан
Республикасының заңнамасында белгіленген шектерде және негіздерде ғана
қолданылады. 

9.3 Ойыншыларға букмекерлік кеңсенің электрондық кассасында қабылданған
мөлшерлемелер бойынша ұтыстарды төлеуді ойын бизнесін ұйымдастырушы ұтқан
мөлшерлеме жасалған бірыңғай есепке алу жүйесіндегі Ойыншының электрондық
ақшасының электрондық әмиянына ақша қаражатын есепке жатқызу арқылы бірыңғай
есепке алу жүйесіндегі ойын бизнесін ұйымдастырушының электрондық ақшасының
электрондық әмиянынан жүргізеді. Төлем осы бәс тігудің нәтижелері шығарылған
сәттен бастап күнтізбелік 3 (үш) күннен кешіктірілмей жүргізіледі. Ұтыстарға
салық салу ҚР Салық кодексіне сәйкес жүзеге асырылады. Букмекерлік кеңсе салық
агенті бола отырып, ұтысты төлеу кезінде Қазақстан Республикасының салық
заңнамасында белгіленген мөлшерде жеке табыс салығын ұстап қалуды жүзеге
асырады. 

9.4 Ойыншы Сайт арқылы тиісті сұрау салуды жібере отырып, өз аккаунтынан
қолжетімді қаражатты шығаруға құқылы. Қаражатты шығару Ойыншы тіркелу кезінде
көрсеткен банктік деректемелер бойынша бірыңғай есепке алу жүйесі арқылы жүзеге
асырылады. Букмекерлік кеңсе КЖ/ТҚ/ЖҚҚТҚҚ туралы заңнама талаптарын орындау
мақсатында қаражатты шығарғанға дейін Ойыншыдан жеке басын растайтын қосымша
құжаттарды сұратуға құқылы. Егер Букмекерлік кеңсенің ішкі рәсімдерінде немесе
КЖ/ТҚ/ЖҚҚТҚҚ туралы заңнама талаптарында өзгеше көзделмесе, қаражатты шығару,
әдетте, Ойыншы аккаунтты толықтыру үшін пайдаланған төлем тәсілін пайдалана
отырып жүзеге асырылады. Егер Ойыншы шығаруға сұрау салу берілген қаражат
есебінен осындай сұрау салуды өңдеу аяқталғанға дейін мөлшерлемелер жасаса,
қаражатты шығаруға арналған сұрау салудың тиісті бөлігінің күші жойылуы мүмкін. 

9.5 Төлемдерді өңдеу деректерді берудің қорғалған хаттамаларын пайдалана
отырып жүзеге асырылады. Букмекерлік кеңсенің төлем операторы төлем карталары
деректерінің қолданыстағы қауіпсіздік стандарттарына сәйкес сертификатталған. 

9.6 Ойыншының аккаунтына оған тиесілі емес қаражат немесе ұтыстар қате
есепке жатқызылған жағдайда, Букмекерлік кеңсе аккаунт теңгеріміне түзету
жүргізуге құқылы. Ойыншы қате есепке жатқызылған қаражатты анықтағандығы туралы
Букмекерлік кеңсені дереу хабардар етуге міндетті. 

  

10. Аккаунтты жабу  

10.1 Ойыншы қолдау қызметіне жүгіну арқылы кез келген уақытта өз аккаунтын
жабуға бастамашылық жасауға құқылы. Қолжетімді қаражат Ойыншыға күнтізбелік 3
күннен кешіктірілмей аударылуға жатады, бұған мұндай қаражатты төлеу Қазақстан
Республикасының заңнамасымен немесе уәкілетті мемлекеттік органның шешімімен
шектелген немесе тыйым салынған жағдайлар қосылмайды.  

10.2 Егер аккаунтты жабу құмар ойындарға тәуелділік проблемасына байланысты
болса, Ойыншы осы Қағидалардың 12-бөлімінде көзделген жауапты ойын құралдарын
пайдалана алады, сондай-ақ 12.2-тармақта көрсетілген мамандарға жүгіне алады. 

11. Бонустар  

11.1 Бонустарды беру бойынша шектеулер, соның ішінде бір Ойыншыға,
отбасына, мекенжайға, IP-мекенжайға, құрылғыға немесе төлем құралына қойылатын
шектеулер тиісті акцияның шарттарымен белгіленеді және осындай акцияға
қатысқанға дейін Ойыншының назарына жеткізіледі. Бонустарда ойнату (отыгрыш)
бойынша талаптар болуы мүмкін. Букмекерлік кеңсе бонустық ұсыныстарды теріс
пайдаланған, соның ішінде бірнеше аккаунт құрған, IP-мекенжайды жасырған және
акция шарттарын айналып өтуге бағытталған өзге де әрекеттер жасаған жағдайда
бонус есептеуден бас тартуға құқылы.  

11.2 Бонустарды беру, пайдалану, ойнату және олардың күшін жою шарттары
жеке акция қағидаларымен айқындалады. Бонустар Қазақстан Республикасы
заңнамасының мөлшерлемелерді қабылдау, мөлшерлемелерді есепке алу және
ұтыстарды төлеу тәртібі туралы талаптарын айналып өту үшін пайдаланылмайды.  

11.3 Бонусты немесе көтермелеу төлемін пайдалана отырып жасалған мөлшерлеме
ұтыстың туындауына әкеп соққан жағдайда, мұндай ұтысты төлеу тәртібі мөлшерлеме
орналастырылғанға дейін Ойыншының назарына жеткізілген тиісті акцияның
шарттарымен айқындалады және Қазақстан Республикасы заңнамасының
мөлшерлемелерді есепке алу және ұтыстарды төлеу тәртібі туралы талаптарын
сақтай отырып қолданылады. 

11.4 Бонустарды ойнату кезіндегі жосықсыз ойын: Букмекерлік кеңсе Ойыншының
әрекеттерін бонустық бағдарламаны теріс пайдалану («жосықсыз ойын») деп тануға
және бонустың, сондай-ақ оны пайдалана отырып алынған кез келген ұтыстардың
күшін жоюға құқылы. Жосықсыз
ойынға, басқалармен қатар, мыналар жатады:  

1. ең төменгі
   маржасы бар мөлшерлемелерді, нөлдік тәуекелі бар мөлшерлемелерді
   орналастыру (қаражат айналымына кепілдік беру үшін матчтың барлық ықтимал
   нәтижелеріне мөлшерлемелер жасау) немесе бонустық қаражатты пайдалана
   отырып мөлшерлемелерді хеджирлеу; 
2. тек
   бонусты ойнату бойынша талаптарды тезірек орындау мақсатында ірі ұтыстан
   кейін ойын мінез-құлқының (мөлшерлемелер түрінің, құрылымының немесе
   мөлшерлеме сомасының) күрт және айтарлықтай өзгеруі; 
3. ойнату
   бойынша шарттарды орындау үшін жүйелі мөлшерлемелерді пайдалану (егер
   нақты акцияның қағидаларында өзгеше көзделмесе). 

12. Ойынға жауапты көзқарас  

12.1 Букмекерлік кеңсе уәкілетті орган бекіткен мәтінге және эскиздерге
сәйкес электрондық кассада, интернет-ресурстың және/немесе мобильді қосымшаның
басты бетінде көрнекі жерде бәс тігуге қатысудың тәуекелдері мен зияны туралы
ескертуді орналастырады (осы Қағидаларға 2-қосымша).  

12.2 Құмар ойындар тәуелділік тудыруы мүмкін. Егер Ойыншыға тәуекелдерді
жеңуге көмек қажет болса, ол Сайттың «Ойынға жауапты көзқарас» бетіне жүгіне
алады. 

Құмар ойындарға және бәс тігуге шамадан тыс әуестенуіне байланысты
ойыншылар мен олардың жақын туыстары психиатриялық терапия үшін жүгіне алатын
мамандардың (мекемелердің, ұйымдардың, қызметтердің) орналасқан жері және
телефондары туралы ақпарат:  

1. «Ренессанс» РҚ  

Телефон: + 7 700 7000 328 Вебсайт: https://ncrenessans.kz Электрондық пошта: Orishkevichs@icloud.com Мекенжайы: Астана қ., Шашу тұйық көшесі,
15 / Астана қаласы, Бозбиік көш., 23  

2. «Аманат» оңалту орталығы  

Телефон: +7 (771) 748 71 72 Вебсайт: https://amanatcenter.kz Электрондық пошта: amanatrehab@gmail.com Мекенжайы: Қазақстан Республикасы,
050059, Алматы қ., Мақатаев көш., 12  

3. «Свободные люди» тәуелділіктерді емдеу клиникасы  

Телефон: +7 707 317-77-94, + 7-727-317-77-94 (тек WhatsApp үшін) Ходак Владимир Павлович, құмар
ойындар тудырған проблемалар бойынша маман; Гордеев Антон Евгеньевич, директор
Мекенжайы: Алматы қ., Жароков көш., 286В.  

4. «Sober Road» емдеу және оңалту орталығы Телефон: + 7 700 911 90 05 Электрондық пошта: newlife@soberroad.kz Мекенжайы: Астана
қаласы, Евгений Брусиловский көш., 24/1, Алматы қаласы, Астана ш/а, 21  

12.3 ҚР заңнамасына сәйкес азамат уәкілетті орган арқылы өзін 6 айдан 10
жылға дейінгі мерзімге бәс тігуге қатысудан шектей алады. Жиырма бір жасқа
толған Қазақстан Республикасының азаматы уәкілетті органға өзін құмар ойындарға
және (немесе) бәс тігуге қатысуы шектелген адамдардың тізіміне енгізу туралы
өтініш беру арқылы өзінің 6 (алты) айдан 10 (он) жылға дейінгі мерзімге құмар
ойындарға және (немесе) бәс тігуге қатысуын өз бетінше шектей алады. Берілген
өтініш қайтарылуға немесе кері қайтарып алуға жатпайды. Жақын туыстары, отбасы
мүшелері азаматтың әрекет қабілетін шектеу туралы заңды күшіне енген сот шешімі
негізінде уәкілетті органға мұндай адамды құмар ойындарға және (немесе) бәс
тігуге қатысуы шектелген адамдар тізіміне енгізу туралы өтінішпен жүгінуге
құқылы. Құмар ойындарға және (немесе) бәс тігуге қатысуын шектеу мерзімі
өткенге дейін азамат шектеуді жаңа мерзімге ұзарту туралы өтініш бере алады.  

Букмекерлік кеңсе құмар ойындарға және (немесе) бәс тігуге қатысуы
шектелген адамдар тізіміне енгізілген адамдардың бәс тігуге қатысуына рұқсат
беруден бас тартады, сондай-ақ мұндай адамдардан және олардың пайдасына
қолма-қол және қолма-қол ақшасыз төлемдерді (оның ішінде электрондық ақшаны)
қабылдаудан (жүзеге асырудан) бас тартады.  

12.4 Букмекерлік
кеңсе жауапты ойынның мынадай құралдарын қолданады: 

  

1. аппараттық-бағдарламалық кешен арқылы Ойыншыны
тіркеу кезінде бәс тігуге қатысудың тәуекелдері мен зияны туралы хабардар ету;  

1. Ойыншыға
   белгілі бір уақыт кезеңі ішінде бәс тігуге жұмсалатын уақыт пен ақша
   сомасын шектеуді орнату мүмкіндігін қамтамасыз ету; 
2. Ойыншыға
   бір сағаттан аспайтын аралықпен оның аккаунтта болған уақыты, жасалған
   мөлшерлемелер саны және ұтылған ақша сомалары туралы мерзімді түрде
   хабарлау; 
3. Сайтта,
   электрондық кассада және/немесе мобильді қосымшада бәс тігуге қатысудың
   тәуекелдері мен зияны туралы ескертулерді орналастыру; 
4. теледидар,
   Ойыншыларға өздері мөлшерлеме жасаған оқиғаның дамуы мен нәтижесін
   бақылауға мүмкіндік беретін бәс тігуді ұйымдастыру және өткізу үшін пайдаланылатын
   құрылғылар арқылы бір сағаттан аспайтын аралықпен бәс тігуге қатысудың
   тәуекелдері мен зияны туралы ескертулерді мерзімді түрде трансляциялау. 

13. Техникалық ақаулар және үзілген
оқиғалар  

13.1 Техникалық ақаулар, тоқтап қалулар, кідірістер, үшінші тұлғалардың
аппараттық-бағдарламалық кешеннің, электрондық кассаның немесе Сайттың жұмысына
рұқсатсыз техникалық араласуы, сондай-ақ еңсерілмейтін күш жағдайлары туындаған
кезде Букмекерлік кеңсе жүйелердің дұрыс жұмысын қалпына келтіру және
мөлшерлемелерді, есеп айырысуларды және төлемдерді тиісінше есепке алуды
қамтамасыз ету бойынша шаралар қабылдайды.  

13.2 Техникалық ақаулар Букмекерлік кеңсені Қазақстан Республикасының
заңнамасында және осы Қағидаларда көзделген тәртіппен мөлшерлемелерді дұрыс
есепке алу, нәтижелерді есептеу және ұтыстарды төлеу міндетінен босатпайды.  

13.3 Букмекерлік кеңсе Сайттың, электрондық кассаның және бағдарламалық
қамтылымның үздіксіз және қатесіз жұмыс істеуіне кепілдік бермейді. Бұл ретте
Букмекерлік кеңсе олардың тиісінше жұмыс істеуін қамтамасыз ету үшін ақылға
қонымды шаралар қабылдайды. 

14. Шағымдарды қарау тәртібі  

14.1 Бәс тігуге қатысушы мен Букмекерлік кеңсе арасында осы Қағидаларды
орындауға байланысты сұрақтар бойынша, соның ішінде ұтысты төлеу, оқиғалардың
нәтижесі, коэффициенттер, жасалған бәс тігудің шарттары туралы, сондай-ақ бәс
тігуді жасалмаған немесе жарамсыз деп тану сұрақтары бойынша келіспеушіліктер
туындаған жағдайда, бәс тігуге қатысушы Букмекерлік кеңсеге сотқа дейінгі
тәртіппен шағым жіберуге құқылы.  

14.2 Шағымды Ойыншы жазбаша нысанда немесе электрондық өтініш нысанында
қолдау қызметінің мекенжайына жібереді: support-kz@betsson.kz / support-ru@betsson.kz / support-en@betsson.kz. Шағымға мәлімделген талаптарды растайтын
және негіздейтін құжаттар мен мәліметтер (бар болса) қоса беріледі. 1 

14.3 Букмекерлік кеңсе шағымды қарауға және шағымды алған сәттен бастап
күнтізбелік 10 (он) күннен кешіктірмей Ойыншыға дәлелді жауап жіберуге
міндетті. Егер өтініштің сипаты қосымша тексеруді талап етсе, көрсетілген
мерзім тағы 10 (он) күнтізбелік күнге ұзартылуы мүмкін, бұл туралы Ойыншы
бастапқы мерзім аяқталғанға дейін хабардар етіледі.  

14.4 Шағыммен жүгіну мерзімі Қазақстан Республикасының заңнамасымен
айқындалады. Шағымдану тәртібін сақтау Ойыншыны Қазақстан Республикасының
заңнамасында белгіленген тәртіппен өз құқықтарын қорғау үшін сотқа жүгіну
құқығынан айырмайды. 

15. Қолдау қызметімен коммуникация
қағидалары  

15.1 Қолдау қызметіне хабарласқан кезде Ойыншыға: былапыт сөздерді, дөрекі,
қорлайтын немесе кемсітетін сөз тіркестерін, сондай-ақ Букмекерлік кеңсе
қызметкерлерінің атына жеккөрушілік тудыратын немесе қорқытулары бар сөздерді
пайдалануға тыйым салынады.  

15.2 Букмекерлік кеңсе Ойыншы өтініштерінің және қолдау қызметі
жауаптарының көшірмелерін тіркейді және сақтайды. Көрсетілген жазбалар
шағымдарды қарау және дауларды шешу кезінде пайдаланылуы мүмкін. 

16. Құпиялылық саясаты  

Сайтта тіркеле отырып, Ойыншы Букмекерлік кеңсенің Құпиялылық саясатының
шарттарын қабылдайды. 

17. Ойыншының жауапкершілігі  

17.1 Ойыншы бәс тігуге қатысудың тәуекелдік сипатын түсінеді. Бұл ретте
Букмекерлік кеңсе Қазақстан Республикасының заңнамасында және осы Қағидаларда
көзделген міндеттерді, оның ішінде мөлшерлемелерді дұрыс есепке алу,
нәтижелерді есептеу және ұтыстарды төлеу бойынша міндеттерді көтереді.  

17.2 Ойыншы Сайтты, аккаунтты, электрондық кассаны құқыққа қайшы пайдалану
немесе осы Қағидаларды бұзу салдарынан Букмекерлік кеңсеге келтірілген құжатпен
расталған залалды Қазақстан Республикасының заңнамасында көзделген тәртіппен
және шектерде өтейді. 

18. Бұзушылықтар және айыппұл
санкциялары  

18.1. Ойыншының осы Қағидаларды немесе Қазақстан Республикасының заңнамасын
бұзғаны расталған жағдайда, Букмекерлік кеңсе осы Қағидалармен және Қазақстан
Республикасының заңнамасымен көзделген шараларды, соның ішінде аккаунт бойынша
операцияларды тоқтата тұруды немесе Ойыншыға қызмет көрсетуді тоқтатуды
қолдануға құқылы. 

18.2. Қолданылатын шаралар бұзушылықтың сипатына мөлшерлес болуға тиіс және
Қазақстан Республикасының заңнамасында тікелей көзделген жағдайларды
қоспағанда, Ойыншының өзіне тиесілі ақша қаражаты мен ұтыстарды алу құқықтарын
бұзбауға тиіс. 

19. Кірістерді заңдастыруға, терроризмді
қаржыландыруға және жаппай қырып-жою қаруын таратуды қаржыландыруға қарсы
іс-қимыл  

19.1 Мөлшерлемелерді қабылдау және ұтыстарды төлеу кезінде Букмекерлік
кеңсе Қазақстан Республикасының қылмыстық жолмен алынған кірістерді
заңдастыруға (жылыстатуға), терроризмді қаржыландыруға және жаппай қырып-жою
қаруын таратуды қаржыландыруға қарсы іс-қимыл (КЖ/ТҚ/ЖҚҚТҚҚ) туралы
заңнамасының талаптарын, оның ішінде "Қылмыстық жолмен алынған кірістерді
заңдастыруға (жылыстатуға) және терроризмді қаржыландыруға және жаппай
қырып-жою қаруын таратуды қаржыландыруға қарсы іс-қимыл туралы" 2009 жылғы
28 тамыздағы № 191-IV
Қазақстан Республикасының Заңында көзделген талаптарды сақтайды.  

19.2 Ойыншы өзіне белгілі болған Сайттағы мөлшерлемелерге байланысты кез
келген күдікті қызмет туралы Букмекерлік кеңсеге дереу хабарлауға міндетті. 

20. Зияткерлік меншік  

20.1 Сайт, тауар белгілері, бағдарламалық қамтылым, дерекқорлар,
интерфейстер және өзге де зияткерлік меншік объектілері Букмекерлік кеңсеге
тиесілі немесе оларды ол заңды негіздерде пайдаланады.  

20.2 Ойыншыға осы Қағидаларға сәйкес бәс тігуге қатысу мақсатында Сайтты
пайдалануды қоспағанда, Букмекерлік кеңсенің алдын ала жазбаша келісімінсіз
аталған объектілерді пайдалануға тыйым салынады. Ойыншыға сондай-ақ Сайттан
немесе электрондық кассадан деректерді мониторингтеу, көшіру немесе алу үшін
автоматтандырылған құралдарды (боттарды, скрипттерді, парсингке арналған
бағдарламалық қамтылымды) пайдалануға тыйым салынады. 

21. Қолданылатын құқық және қорытынды
ережелер  

21.1 Осы Қағидалар Қазақстан Республикасының заңнамасымен реттеледі.  

21.2 Шағымдану тәртібімен реттелмеген даулар Қазақстан Республикасының
заңнамасында белгіленген тәртіппен қаралуға жатады.  

21.3 Букмекерлік кеңсе Ойыншыға хабарлай отырып, осы Қағидалар бойынша өз
құқықтары мен міндеттерін үшінші тұлғаға беруге құқылы. Ойыншы осы Қағидалар
бойынша өз құқықтары мен міндеттерін басқаға бере алмайды.  

21.4 Егер осы Қағидалардың қандай да бір ережесі жарамсыз немесе заңды күші
жоқ деп танылса, Қағидалардың қалған ережелері өз күшін толық көлемде сақтайды.
 

21.5 Осы Қағидалар қазақ және орыс тілдерінде
жарияланған. Орыс тіліндегі нұсқа мен басқа тілдердегі нұсқалар арасында кез
келген қайшылықтар болған жағдайда, орыс тіліндегі мәтін басым күшке ие болады. 

21.6. Осы Қағидалар Сайтты пайдалануға және бәс тігуге қатысуға қатысты
Букмекерлік кеңсе мен Ойыншы арасындағы толық келісімді білдіреді және осы
мәселе бойынша барлық алдыңғы уағдаласуларды, хабарламаларды және ұсыныстарды
алмастырады. 

22. Спорттық мөлшерлемелер Мөлшерлемелерді қабылдау мерзімдері: 

· Бәс тігу және нәтижелердің негізгі түрлері 

· Бәс тігудің
негізгі түрлері. Ординар
– желідегі (линиядағы) бір оқиғаның жеке нәтижесіне бәс тігу. Ординар бойынша
ұтыс мөлшерлеме көлемін Букмекерлік кеңсе осы нәтижеге белгілеген коэффициентке
көбейткенге тең. Экспресс – желідегі бір-біріне мүлдем тәуелсіз бірнеше
оқиға нәтижесін бір мезгілде болжауға бәс тігу. Экспресс бойынша ұтыс
мөлшерлеме көлемін экспресстің жалпы коэффициентіне көбейткенге тең.
Нәтижелердің кем дегенде біреуі бойынша ұтылу бүкіл экспресстің толық ұтылуын
білдіреді. Жүйе (Система) – желі оқиғалары нәтижелерінің алдын ала
белгіленген санынан берілген өлшемдегі экспресстердің толық комбинациясы. Жүйе
бойынша ұтыс жүйеге кіретін барлық экспресстер бойынша ұтыстардың қосындысына
тең. Live-бәс тігу – матч барысында жасалатын бәс тігу. 

  

· Нәтижелердің
негізгі түрлері. Ж1 (П1)
– бірінші команданың (алаң иелерінің) жеңісі. Х – тең түсу. Ж2 (П2)
– екінші команданың (қонақтардың) жеңісі. 1Х – бірінші команданың жеңісі
немесе тең түсу (бірінші команда ұтылмайды). 12 – бірінші немесе екінші
команданың жеңісі (матчта тең түсу болмайды). Х2 – екінші команданың
жеңісі немесе тең түсу (екінші команда ұтылмайды). Фора (Гандикап) –
жарысқа қатысушының гол/ұпай/сет/секунд бойынша сандық мәнмен көрсетілген
артықшылығы немесе артта қалуы. Нәтижені анықтау үшін таңдалған команданың
нақты нәтижесіне фора мәні қосылады (немесе фора теріс болса, алынып
тасталады). Тотал – голдардың, ұпайлардың, сеттердің, геймдердің және
өзге де статистикалық көрсеткіштердің жалпы санына бәс тігу. Ұтыс алу үшін
Ойыншыға нақты санның Букмекерлік кеңсе көрсеткен мәннен көп («Көп») немесе аз
(«Аз») болатынын болжау қажет. Азиялық гандикап (Азиялық фора) – ширек
мәнге еселі (мысалы, +1.25, -1.75) түрінде ұсынылған форасы бар мөлшерлеме.
Мұндай мөлшерлеме шартты түрде көршілес стандартты фораларға екі бірдей жартыға
бөлінеді. Тайм-Матч (Жартылай кезең/Негізгі уақыт) – Ойыншыға бірінші
таймның (кезеңнің) нәтижесін және тұтастай алғанда бүкіл матчтың нәтижесін бір
мезгілде болжау қажет болатын бәс тігу. Дәл есеп – Ойыншыға матчтың дәл
қорытынды есебін болжау қажет болатын бәс тігу. 

· Ең төменгі
мөлшерлеме: Мөлшерлеменің
ең төменгі сомасы - 50 теңге. 

· Ең жоғары ұтысты
шектеу: Бір мөлшерлеме
бойынша ұтыстың нақты ең жоғары мөлшері букмекерлік кеңсенің электрондық
кассасында мөлшерлемені растағанға дейін Ойыншыға көрсетіледі. Ең жоғары
ұтыстың жалпы лимиті белгіленген жағдайда, мұндай лимит 50 000 000 теңгені
құрайды және ол бәс тігу жасалғанға дейін Ойыншының назарына жеткізілген
жағдайда қолданылады. Ең жоғары ұтысты шектеу нақты мөлшерлеменің
коэффициенттері мен шарттарын есептеу кезінде ескеріледі және ол қабылданғанға
дейін қолданылады. Мөлшерлеме қабылданғаннан кейін әлеуетті ұтыстың мөлшерін
өзгертуге жол берілмейді. Ойыншының мөлшерлемені растауы Ойыншының оны
жасағанға дейін тиісті мөлшерлеме бойынша қолданылатын ең жоғары ұтыс
мөлшерімен танысқанын білдіреді. 

· Мөлшерлемелерді
қабылдау мерзімдері:
Мөлшерлемелер (нақты уақыт режиміндегі / Live мөлшерлемелерін қоспағанда) матчтың жарияланған
басталу уақытына дейін қабылданады. Егер қандай да бір себептермен мөлшерлеме (Live режиміне жатпайтын) оқиға іс жүзінде
басталғаннан кейін қабылданса, мұндай мөлшерлеме жарамсыз деп танылады және
қайтарылуға (1.00 коэффициентімен есептеуге) жатады. 

· Мөлшерлемелердің
күшін жою: Мөлшерлеменің
күшін жоюға (отмена) мынадай жағдайларда ғана жол беріледі: 1) мөлшерлеме бәс
тігу жасалған кезде нәтижесі белгілі болған оқиғаға қабылданғанда; 2)
мөлшерлеме ақылға қонымды Ойыншы үшін айқын болып табылатын айқын техникалық
қателік (соның ішінде көрінеу дұрыс емес коэффициент) салдарынан қабылданғанда;
3) Қазақстан Республикасының заңнамасында тікелей көзделген өзге де
жағдайларда. Құзыретті спорт ұйымының ресми шешімі негізінде нәтиже қайта
қаралған жағдайларды қоспағанда, мөлшерлемелер есептелгеннен кейін олардың
күшін жоюға жол берілмейді. 

  

· Нәтижелер көздері: Оқиғалардың нәтижелері тиісті спорт
ұйымдарының ресми көздері негізінде айқындалады. Ресми деректер болмаған кезде
спорттық ақпараттың тәуелсіз бұқаралық көздері пайдаланылады. Ішкі деректерді
пайдалануға мұндай деректер өзге қолжетімді көздермен расталған және Ойыншының
жағдайын нашарлатуға әкеп соқпаған жағдайда ғана жол беріледі. Оқиғаның
нәтижесіне қатысты келіспеушіліктер туындаған жағдайда тиісті спорт ұйымының
ресми деректері басымдыққа ие болады. Олар болмаған кезде тәуелсіз жалпыға
қолжетімді көздердің ақпараты қолданылады. Букмекерлік кеңсенің шешімі
объективті және тексерілетін деректерге негізделуге тиіс және негізсіз (өз
бетінше) сипатта бола алмайды. 

· Коэффициенттердегі
қателіктер: Мөлшерлеме
Ойыншы үшін елеулі және айқын болып табылатын айқын қателік болған жағдайда
ғана жарамсыз деп танылуы мүмкін. 

· Синдикаттарға
қарсы іс-қимыл:
Қағидаларды айналып өтуге бағытталған Ойыншылардың келісілген әрекеттері
анықталған жағдайда, Букмекерлік кеңсе қызметтерге қол жеткізуді шектеуге
құқылы. Бұл ретте бұрын жасалған және есептелген бәс тігулер белгіленген
тәртіппен орындалуға жатады. 

· Оқиғаларды кейінге
қалдыру және үзу: Егер
спорттық оқиға тоқтатылса немесе оның басталу уақыты бастапқы жоспарланған
уақыттан 12 сағаттан астам уақытқа шегерілсе, осы оқиғаға жасалған барлық
мөлшерлемелер қайтарылуға (1.00 коэффициентімен есептеуге) жатады. Егер оқиға
үзіліп, 12 сағат ішінде аяқталмаса, матч тоқтатылған кезге қарай біржола
анықталған нәтижелерді қоспағанда, мөлшерлемелердің күші жойылады. 

· Оқиға шарттарының
өзгеруі: Егер қандай да
бір жоспарланған оқиғада қарсыластар ауысса немесе өтетін орны өзгерсе, мұндай
оқиғаға жасалған барлық мөлшерлемелердің күші жойылады (қайтарылуға жатады).
Бұл ретте, ойын жабынының түрі өзгерген жағдайда (мысалы, теннисте) барлық
мөлшерлемелер өз күшінде қалады. 

· Нәтижелердің
теңдігі қағидасы: Егер
оқиғада (немесе нарықта) нақты жеңімпаздар күтілгеннен көп болса, мұндай
қатысушыларға жасалған мөлшерлемелер бойынша ұтыс сомасы нақты жеңімпаздардың
санына тепе-тең бөлінеді. 

· Қатыспау және
жарақаттар: Егер
мәлімделген ойыншы немесе команда спорттық іс-шараға қатыспаса (матчты/жарысты
бастамаса), оларға жасалған мөлшерлемелердің күші жойылады. Егер қатысушы
жарысты бастап (алаңға шығып/сөреден бастап), бірақ кез келген себеппен (соның
ішінде жарақатқа байланысты) оны аяқтамаса, егер спорт түрі бойынша арнайы
қағидаларда өзгеше көзделмесе, осы қатысушыға жасалған мөлшерлемелер жарамды
деп танылады. 

· Экспресс-мөлшерлемелер
(аралас мөлшерлемелер):
Екі немесе одан да көп нәтижелер өзара тәуелді болатын (яғни біреуінің нәтижесі
екіншісінің нәтижесіне әсер ететін) экспресс-мөлшерлемелерге жол берілмейді.
Егер мұндай мөлшерлеме қате қабылданған болса, ол қаражатты қайтара отырып
күшін жоюға жатады. 

· Нәтижелер тең
болған кезде есептеу формуласы: Егер нақты жеңімпаздар күтілгеннен көп болса, мөлшерлемелерді есептеу мына
формула бойынша жүргізіледі: Қайтару = (Мөлшерлеме × (күтілетін жеңімпаздар
саны / нақты жеңімпаздар саны)) × бастапқы коэффициент. Бірнеше жеңімпазы бар
нарықтарда соңғы ұтыс орнынан кейін байланыстырылған позициялар ғана қозғалады. 

· Нәтижелер кестесі
(скорбордтар): Сайтта
және электрондық кассада нақты уақыт режимінде көрсетілетін нәтижелер кестесі
ақпараттық сипатқа ие. Букмекерлік кеңсе көрсетілетін деректердің дәлдігін
қамтамасыз ету үшін ақылға қонымды күш-жігер жұмсайды, алайда Ойыншы мөлшерлеме
жасамас бұрын ақпаратты тексеруге жауапты болады. 

· Коэффициенттер
форматы: Ойыншы таңдаған
коэффициенттерді көрсету форматына қарамастан, барлық мөлшерлемелерді есептеу
америкалық коэффициенттерді (American odds) пайдалана отырып
жүргізіледі. 

· Мөлшерлемелерді қолмен қарау: Қолмен қарауға жіберілген мөлшерлемелер
қабылданбауы, ішінара қабылдануы немесе толық мақұлдануы мүмкін. Букмекерлік
кеңсе мөлшерлемелердің жеке лимиттерін белгілеуге құқылы. 

· Cash-out (мөлшерлемені
мерзімінен бұрын есептеу): Cash-out функциясы Ойыншыға оқиға аяқталғанға
дейін мөлшерлеме нәтижесін мерзімінен бұрын (толық немесе ішінара) тіркеуге
мүмкіндік береді. Cash-out-қа сұрау салуды қабылдауға кепілдік берілмейді және
ол нарық тоқтатылған, техникалық ақаулар немесе оқиға трансляциясы үзілген
жағдайда қолжетімсіз болуы мүмкін. Букмекерлік кеңсе айқын техникалық қателік
болған жағдайда Ойыншыны хабардар ете отырып, Cash-out есебін қайта қарауға
құқылы. Cash-out тегін немесе тәуекелсіз мөлшерлемелерді пайдалана отырып
жасалған мөлшерлемелер үшін қолжетімді емес. 

· Betbuilder
(мөлшерлемелер конструкторы): Betbuilder функциясы Ойыншыға бір оқиға
аясында бірнеше нәтижелерді біріктіруге мүмкіндік береді. Біріктіруге
қолжетімді нарықтар тиісті белгішемен белгіленген. Таңдалған нәтижелердің
бірінің күші жойылған немесе көрсетілген ойыншы матчқа қатыспаған жағдайда
барлық Betbuilder мөлшерлемесінің күші жойылады. Букмекерлік кеңсе баға
белгілеуде айқын қателік болған жағдайда Betbuilder мөлшерлемесінен бас тартуға
құқылы. 

· Турнир жеңімпазына
мөлшерлемелер (Аутрайт) / Таңдау ұсынылмайды: Букмекерлік кеңсе турнир
жеңімпазына мөлшерлемелер нарығын өзекті күйде ұстауға тырысады. Алайда, егер
турнирде немесе оқиғада іс жүзінде жеңіске жеткен команда немесе қатысушы
қандай да бір себептермен желіде ұсынылмаған болса (мөлшерлеме жасау кезінде
таңдау үшін ұсынылмаса), осы нарықтың басқа ұсынылған қатысушыларына
қабылданған кез келген мөлшерлемелер жарамды деп танылады және ресми
нәтижелерге сәйкес ұтылған болып есептеледі. 

· Егер тиісті спорт түрінің,
нарықтың арнайы қағидаларында немесе нақты оқиғаның шарттарында өзгеше
көзделмесе, спорттық оқиғалар матчтың ең төменгі уақытына жеткенде өткізілген
деп есептеледі: футбол — 60 минут, баскетбол — 35/40 минут, хоккей — 50 минут,
америкалық футбол — 50 минут; гандбол — 50 минут; бейсбол — 5 иннинг (алайда
"тотал" және "гандикап" мөлшерлемелері нарықтарын есептеу
үшін кемінде 9 иннинг ойналуы тиіс). 

· Cash-out және Betbuilder
функциялары букмекерлік кеңсенің электрондық кассасында техникалық мүмкіндік
болған кезде Ойыншыларға ұсынылуы мүмкін. Cash-out және Betbuilder функцияларын
пайдалану шарттары, соның ішінде оларды есептеу, растау, растаудан бас тарту
және оларды қолдануды шектеу тәртібі Ойыншыға тиісті функцияны пайдаланғанға
дейін жеткізіледі және осы Қағидалар мен Қазақстан Республикасының заңнамасын
сақтай отырып қолданылады. Көрсетілген функцияларды пайдалану бірыңғай есепке
алу жүйесіндегі операцияларды міндетті түрде есепке ала отырып жүзеге
асырылады. 

· Спорттық оқиғалардың
әртүрлі түрлеріне мөлшерлемелер жасау детальдары осы Қағидаларға 3-қосымшада
көрсетілген. 

23. Үлгілік
қағидалар 

 Осы Қағидаларға 1-қосымша ретінде Қазақстан
Республикасы Туризм және спорт министрінің м.а. 2024 жылғы 9 қазандағы № 175
бұйрығымен бекітілген Ойын мекемесі, букмекерлік кеңсе немесе тотализатор
жұмысының, мөлшерлемелер қабылдаудың және өткізілетін құмар ойындарының және
(немесе) бәс тігудің үлгілік қағидалары өзекті редакциясында қоса беріледі.  

Үлгілік қағидалар өзгерген жағдайда Букмекерлік кеңсе осы Қағидалардың
Қазақстан Республикасы заңнамасының талаптарына сәйкес келтірілуін қамтамасыз
етеді.